എലിവിഷം അബദ്ധത്തിൽ കുടിക്കാനുള്ള വെള്ളത്തിൽ വീണു; കാസർകോട് വീട്ടമ്മയ്ക്ക് ദാരുണാന്ത്യം

എലിക്കു വിഷം വയ്ക്കുന്നതിനിടെ അബദ്ധത്തിൽ വിഷം കലർന്ന വെള്ളം കുടിച്ച വീട്ടമ്മയ്ക്ക് ദാരുണാന്ത്യം. കോളിച്ചാൽ മൊട്ടയംകൊച്ചിയിലെ ബി.പി. ശോഭന (53) ആണ് മരിച്ചത്. വിഷം കുപ്പിയിൽ നിന്ന് തെറിച്ച് വെള്ളം കുടിക്കുന്ന ഗ്ലാസിൽ വീണത് ശ്രദ്ധിക്കാതെ അതിൽ നിന്നാണ് ശോഭന വെള്ളം കുടിച്ചത് എന്നാണ് ലഭിക്കുന്ന വിവരം.

ഇതിനെ തുടർന്ന് ദേഹാസ്വാസ്ഥ്യം അനുഭവപ്പെട്ട ശോഭനയെ ആദ്യം മംഗളൂരുവിലും പിന്നീട് കണ്ണൂരിലെ സ്വകാര്യ ആശുപത്രിയിലും പ്രവേശിപ്പിച്ചു. നില ഗുരുതരമായതോടെ കോഴിക്കോട് മെഡിക്കൽ കോളജ് ആശുപത്രിയിലേക്ക് മാറ്റിയെങ്കിലും ചികിത്സയിലിരിക്കെ മരണം സംഭവിക്കുകയാരുന്നു.

വീട്ടിൽ എലി ശല്യം രൂക്ഷമായതിനാലാണ് വിഷം വെച്ചതെന്ന് ബന്ധുക്കൾ അറിയിച്ചു. സംഭവത്തിൽ രാജപുരം പൊലീസ് അസ്വാഭാവിക മരണത്തിന് കേസെടുത്തു. ബന്ധുക്കളുടെ മൊഴി പൊലീസ് രേഖപ്പെടുത്തി.

The post എലിവിഷം അബദ്ധത്തിൽ കുടിക്കാനുള്ള വെള്ളത്തിൽ വീണു; കാസർകോട് വീട്ടമ്മയ്ക്ക് ദാരുണാന്ത്യം appeared first on ഇവാർത്ത | Evartha.

from ഇവാർത്ത | Evartha https://ift.tt/pivLJxj
via IFTTT