പല ഭക്ഷണങ്ങൾക്കും ഉറക്കത്തിന്റെ ഗുണനിലവാരം മെച്ചപ്പെടുത്തുന്നതിനുള്ള സവിശേഷതകളുണ്ട് ഉറക്കത്തെ നിയന്ത്രിക്കുന്ന മെലറ്റോണിൻ, സെറോട്ടോണിൻ എന്നിവയുൾപ്പെടെയുള്ള ഹോർമോണുകളെ ഉത്തേജിപ്പിച്ചുകൊണ്ട് നിങ്ങൾക്ക് നല്ല ഉറക്കം സമ്മാനിക്കാൻ ചുവടെ പറഞ്ഞ എല്ലാ ഭക്ഷണങ്ങളും സഹായിക്കും. ഇത്തരം ഭക്ഷണങ്ങളിൽ ഉയർന്ന അളവിൽ നിർദ്ദിഷ്ട ആന്റിഓക്സിഡന്റുകളും അടങ്ങിയിട്ടുള്ളതിനാൽ ഇത് ശരീരവീക്കങ്ങൾ കുറച്ചുകൊണ്ട് കൂടുതൽ നേരം നിങ്ങളെ ഉറങ്ങാൻ പ്രേരിപ്പിക്കുകയും ചെയ്യും.
പാല്: ട്രിപ്റ്റോഫാൻ എന്ന പോഷകഘടകത്തിൻ്റെ പ്രധാന ഉറവിടമായ പാല് പ്രായമായവരിലെ ഉറക്കം മെച്ചപ്പെടുത്തുന്നതിന് സഹായിക്കുന്നുവെന്ന് കണ്ടെത്തിയിട്ടുണ്ട്. വ്യായാമം ചെയ്ത ശേഷം പാല് കുടിക്കുന്നത് വഴി ശരീരത്തിലെ മെലാടോണിൻ്റെ അളവ് വേഗത്തിൽ വർദ്ധിക്കുകയും പെട്ടെന്ന് ഉറക്കം വരികയും ചെയ്യും
വാഴപ്പഴം: വാഴപ്പഴത്തിൽ ട്രിപ്റ്റോഫാൻ അടങ്ങിയിട്ടുണ്ട്, ഇത് മഗ്നീഷ്യത്തിൻ്റെ മികച്ച ഉറവിടം കൂടിയാണ്. ഈ രണ്ട് ഗുണങ്ങളും ഒരു നല്ല രാത്രി ഉറക്കം നേടിയെടുക്കാൻ നിങ്ങളെ സഹായിക്കും.
ഓട്സ്: അരിയ്ക്ക് സമാനമായി ഓട്സിൽ കാർബണുകളാണ് കൂടുതലും അടങ്ങിയിരിക്കുന്നത്, കിടക്കയ്ക്ക് മുമ്പ് ഇത് കഴിക്കുന്നത് വഴി മയക്കം ഉണ്ടാകുമെന്ന് പറയപ്പെടുന്നു. കൂടാതെ, ഓട്സ് മെലറ്റോണിന്റെ ഏറ്റവും നല്ല ഉറവിടം കൂടിയാണ്.
കോട്ടേജ് ചീസ്: ഗണ്യമായ അളവിൽ ഗുണങ്ങൾ അടങ്ങിയിരിക്കുന്ന കോട്ടേജ് ചീസ് ഒരു പാൽ പ്രോട്ടീനാണ്. രാത്രിയിൽ ഉറങ്ങുമ്പോൾ പേശികളുടെ കേടുപാടുകളെ തീർക്കുകയും വളർച്ചയെ പ്രോത്സാഹിപ്പിക്കുകയും ചെയ്യാൻ സഹായിക്കുന്ന കോട്ടേജ് ചീസ് കിടക്കുന്നതിന് മുൻപ് കഴിക്കുന്നത് നല്ലതാണ്.
പാഷൻ ഫ്ലവർ ടീ: നിരവധി ആരോഗ്യഗുണങ്ങൾ ഒത്തുചേർന്ന ഔഷധ ചികിത്സയാണ് പാഷൻ ഫ്ലവർ ടീ. പലവിധ രോഗങ്ങൾക്ക് പ്രതിവിധിയെന്നോണം വർഷങ്ങളായി ഉപയോഗിച്ചുവരുന്ന ഔഷധ ചായയാണ് പാഷൻ ഫ്ലവർ ടീ.
0 അഭിപ്രായങ്ങള്