സി.ജെ. റോയിയുടെ സംസ്കാരം ഇന്ന്; മരണത്തിൽ അന്വേഷണം ഊർജിതം

കോൺഫിഡന്റ് ഗ്രൂപ്പ് ചെയർമാൻ ഡോ. സി.ജെ. റോയിയുടെ സംസ്കാര ചടങ്ങുകൾ ഇന്ന് ബംഗളൂരുവിൽ നടക്കും. ബന്നാർഘട്ടയിലെ നേച്ചേഴ്‌സ് കാസ്കേഡിൽ ഉച്ചയ്ക്ക് 2 മണി വരെ മൃതദേഹം പൊതുദർശനത്തിന് വെക്കും. തുടർന്ന് സെന്റ് ജോസഫ്‌സ് സിറോ മലബാർ പള്ളിയിൽ നടക്കുന്ന ശുശ്രൂഷകൾക്ക് ശേഷം വൈകിട്ട് 4 മണിയോടെ സംസ്കാരം നടക്കും.

അദ്ദേഹത്തിന്റെ അപ്രതീക്ഷിത വിയോഗത്തിൽ അന്വേഷണം ശക്തമാക്കിയ പോലീസ്, മരണത്തിന് പിന്നിലെ കാരണങ്ങൾ കണ്ടെത്താനുള്ള ശ്രമത്തിലാണ്. വെസ്റ്റ് സോൺ ജോയിന്റ് കമ്മീഷണർ സി. വംശി കൃഷ്ണയുടെ നേതൃത്വത്തിലുള്ള പ്രത്യേക സംഘമാണ് കേസ് അന്വേഷിക്കുന്നത്. റോയിയുടെ മരണത്തിന് ആദായനികുതി വകുപ്പ് ഉദ്യോഗസ്ഥരുടെ അമിത സമ്മർദ്ദമാണ് കാരണമെന്ന കുടുംബത്തിന്റെ ആരോപണത്തിന്റെ പശ്ചാത്തലത്തിൽ, ബന്ധപ്പെട്ട ഉദ്യോഗസ്ഥരെ ചോദ്യം ചെയ്യാനുള്ള നടപടികളിലേക്ക് പോലീസ് ഇന്ന് കടക്കും.

The post സി.ജെ. റോയിയുടെ സംസ്കാരം ഇന്ന്; മരണത്തിൽ അന്വേഷണം ഊർജിതം appeared first on ഇവാർത്ത | Evartha.

from ഇവാർത്ത | Evartha https://ift.tt/OeikLVB
via IFTTT