കൊച്ചി: നയതന്ത്ര ബാഗേജ് വഴിയുള്ള സ്വര്ണക്കടത്ത്, കറന്സി കടത്ത് കേസുകളില് മുഖ്യമന്ത്രിയടക്കം ഉന്നതര്ക്കുള്ള പങ്ക് അന്വേഷിക്കാന് ഇ.ഡിക്കും കസ്റ്റംസിനും നിര്ദേശം നല്കണമെന്നാവശ്യപ്പെടുന്ന ഹര്ജിയില് ഹൈകോടതി ഇന്ന് വിധി പറയും.
മുഖ്യമന്ത്രി പിണറായി വിജയന്, മുഖ്യമന്ത്രിയുടെ കുടുംബാംഗങ്ങള്, മുന് സ്പീക്കര് ശ്രീരാമകൃഷ്ണന്, ഉന്നത ഉദ്യോഗസ്ഥര് തുടങ്ങിയവര്ക്ക് കേസുകളില് പങ്കുണ്ടെന്ന് കേസിലെ പ്രതികളായ സ്വപ്ന സുരേഷും സരിത്തും വ്യക്തമാക്കിയിട്ടും കേന്ദ്ര ഏജന്സികളായ കസ്റ്റംസും ഇ.ഡിയുമടക്കം അന്വേഷണം നടത്തിയില്ലെന്നാരോപിച്ച് കോട്ടയം പാല സ്വദേശി അജി കൃഷ്ണന് നല്കിയ ഹര്ജിയാണ് ജസ്റ്റിസ് ബെച്ചു കുര്യന് തോമസ് വിധി പറയുന്നത്.
അതേസമയം, ഹര്ജി നിയമപരമായി നില നില്ക്കില്ലെന്നായിരുന്നു സര്ക്കാറിനു വേണ്ടി ഹാജരായ അഡ്വക്കേറ്റ് ജനറലിന്റെ വാദം. സ്വര്ണക്കടത്ത് കേസില് ജാമ്യത്തിലിറങ്ങിയ ശേഷം സ്വപ്ന സുരേഷിന് ജോലി നല്കിയ എച്ച്. ആര്.ഡി.എസില് എന്ന സംഘടനയുടെ നേതൃത്വത്തിലുള്ള വ്യക്തിയാണ് താനെന്ന കാര്യം മറച്ചുവച്ചാണ് ഹര്ജിക്കാരന് ഹൈകോടതിയെ സമീപിച്ചിട്ടുള്ളതെന്നും എ. ജി വാദിച്ചിരുന്നു.
The post സ്വര്ണക്കടത്ത്, കറന്സി കടത്ത് കേസുകളില് മുഖ്യമന്ത്രിയടക്കം ഉന്നതര്ക്കുള്ള പങ്ക് അന്വേഷിക്കണമെന്ന് ആവശ്യപ്പെട്ടുള്ള ഹര്ജിയില് ഹൈക്കോടതി വിധി ഇന്ന് appeared first on ഇവാർത്ത | Evartha.
from ഇവാർത്ത | Evartha https://ift.tt/xYz7Nlc
via IFTTT
0 അഭിപ്രായങ്ങള്