ഛോട്ടാ ടൈസണ്‍ അമിത് പംഗല്‍ ആദ്യ റൗണ്ടില്‍ പുറത്ത്; തോറ്റത്‌ റിയോയിലെ വെള്ളി മെഡല്‍ ജേതാവിനോട്

ടോക്യോ: ബോക്സിങ്ങിൽ ഇന്ത്യൻ പ്രതീക്ഷയായിരുന്ന അമിത് പംഗൽ ആദ്യ റൗണ്ടിൽ തന്നെ തോറ്റ് പുറത്ത്. പുരുഷന്മാരുടെ 52 കിലോഗ്രാം വിഭാഗത്തിൽ ലോക ഒന്നാം നമ്പറായ അമിത്തിനെ കൊളംബിയയുടെ യുബെർജെൻ ഹേണി റിയാസ് മാർട്ടീനെസാണ് പരാജയപ്പെടുത്തിയത്. 4-1 എന്ന സ്കോറിനായിരുന്നു താരത്തിന്റെ തോൽവി. റിയോ ഒളിമ്പിക്സിലെ വെള്ളി മെഡൽ ജേതാവായ യുബെർജെൻ ഹേണി റിയാസ് മാർട്ടീനെസിനെതിരേ ആദ്യ റൗണ്ടിൽ മികച്ചുനിന്ന ശേഷമായിരുന്നു ഛോട്ടാ ടൈസൺ എന്ന വിളിപ്പേരുള്ള അമിത്തിന്റെ വീഴ്ച. 2021 ഏഷ്യൻ ചാമ്പ്യൻഷിപ്പിൽ വെള്ളിയും 2020 ബോക്സിങ് ലോകകപ്പിൽ സ്വർണവും നേടിയാണ് അമിത് ഒളിമ്പിക്സിനെത്തിയത്. Content Highlights: Tokyo 2020 Amit Panghal suffers early exit

from mathrubhumi.latestnews.rssfeed https://ift.tt/3xg9riy
via IFTTT