തിരുവനന്തപുരം: ഡോ. വന്ദനദാസ് കൊലപാതകത്തിലെ പ്രതി സന്ദീപിന് മാനസിക പ്രശ്നങ്ങള് ഇല്ലെന്ന് ഡോക്ടര്. പേരൂര്ക്കട മാനസികാരോഗ്യ കേന്ദ്രത്തിലെ ഡോക്ടര് ജയിലെത്തിയാണ് സന്ദീപിനെ പരിശോധിച്ചത്.
ഡോ. അരുണ് ആണ് പരിശോധനക്ക് നേതൃത്വം നല്കിയത്. ആശുപത്രിയില് കൊണ്ടു പോയി ചികിത്സിക്കേണ്ട മാനസിക പ്രശ്നങ്ങള് ഇല്ലെന്നാണ് ഡോക്ടറുടെ റിപ്പോര്ട്ട്. സന്ദീപ് എല്ലാ കാര്യങ്ങളെ കുറിച്ചും കൃത്യമായി പ്രതികരിക്കുന്നുണ്ട്.
താന് ലഹരിക്ക് അടിമയല്ലെന്ന് ജയില് ഉദ്യോഗസ്ഥരോട് സന്ദീപ് പറഞ്ഞു. സംഭവ ദിവസം മദ്യപിച്ചിരുന്നു. നാട്ടുകാര് തന്നെ മര്ദ്ദിച്ചു. കരാട്ടെ പഠിച്ചിട്ടുള്ള തന്നെ മര്ദ്ദിച്ചുവെന്ന് ജയില് ഉദ്യോഗസ്ഥരോട് സന്ദീപ് പറഞ്ഞു. നാട്ടുകാര് പിന്തുടര്ന്നപ്പോള് പൊലിസിനെ ആദ്യം വിളിച്ചു. പിന്നെ സ്വിച്ച് ഓഫ് ചെയ്ത് കുറ്റിക്കാട്ടില് ഒളിച്ചിരുന്നുവെന്നും സന്ദീപ് പറയുന്നു. അതേസമയം, പ്രതിയെ കസ്റ്റഡിയില് കിട്ടാന് അന്വേഷണ സംഘം കോടതിയില് നാളെ അപേക്ഷ നല്കും. കൊല്ലപ്പെടുമെന്ന് സന്ദീപ് ഭയപ്പെട്ട കാര്യത്തെക്കുറിച്ചും പരിശോധിക്കും. ആശുപത്രിയിലെ സിസിടിവിയുടെ ഹാര്ഡ് ഡിസ്കുകള് അന്വേഷണ സംഘം ശേഖരിച്ചിട്ടുണ്ട്.
The post ഡോ. വന്ദനദാസ് കൊലപാതകത്തിലെ പ്രതി സന്ദീപിന് മാനസിക പ്രശ്നങ്ങള് ഇല്ലെന്ന് ഡോക്ടര് appeared first on ഇവാർത്ത | Evartha.
from ഇവാർത്ത | Evartha https://ift.tt/5nCxgi4
via IFTTT
0 അഭിപ്രായങ്ങള്