കേന്ദ്ര ന്യൂനപക്ഷകാര്യ മന്ത്രാലയം ഇല്ലാതെയാക്കുന്നു എന്നരീതിയിൽ വരുന്ന മാധ്യമ വാര്ത്തകള് വ്യാജമാണെന്ന് കേന്ദ്ര സര്ക്കാര്. കേന്ദ്ര ന്യൂനപക്ഷകാര്യ മന്ത്രാലയത്തെ സാമൂഹ്യനീതി ശാക്തീകരണ വകുപ്പില് ലയിപ്പിക്കും എന്നായിരുന്നു ദേശീയ മാധ്യമായ ഡെക്കാന് ഹെറാള്ഡ് പത്രം റിപ്പോര്ട്ട് ചെയ്തത്.
എന്നാൽ ഈ രീതിയിൽ ഒരു തീരുമാനമോ ആലോചനയോ പരിഗണനയില് ഇല്ലെന്ന് പ്രസ് ഇന്ഫര്മേഷന് ബ്യൂറോ ഫാക്ട് ചെക്ക് ട്വീറ്റ് ചെയ്തു. വാര്ത്ത പ്രസിദ്ധീകരിച്ച ഡെക്കാന് ഹെറാള്ഡിനെ ടാഗ് ചെയ്താണ് ട്വീറ്റ് വന്നിരിക്കുന്നത്. നേരത്തെ 2006ൽ യുപിഎ സർക്കാർ സ്ഥാപിച്ച ന്യൂനപക്ഷകാര്യ മന്ത്രാലയം ഒഴിവാക്കി സാമൂഹ്യനീതി, ശാക്തീകരണ മന്ത്രാലയത്തിൽ ലയിപ്പിക്കാൻ സാധ്യതയുണ്ടെന്നാണ് സർക്കാർ വൃത്തങ്ങളെ ഉദ്ധരിച്ച് ഡെക്കാണ് ഹെറാള്ഡ് റിപ്പോര്ട്ട് ചെയ്തത്.
തങ്ങളുടെ ഈ വാര്ത്തയോട് ഔദ്യോഗികമായി പ്രതികരിക്കാന് സര്ക്കാര് വൃത്തങ്ങള് തയ്യാറായില്ലെന്നാണ് ഇവരുടെ തന്നെ റിപ്പോര്ട്ട പറഞ്ഞത്. അതേസമയം, സമൂഹത്തെ ധ്രുവീകരിക്കാനുള്ള ബിജെപിയുടെ മറ്റൊരു ശ്രമമമാണ് ഇതെന്ന് കോൺഗ്രസ് രാജ്യസഭാംഗം സയ്യിദ് നസീർ ഹുസൈൻ വിശേഷിപ്പിച്ചതും ഡെക്കാന് ഹെറാള്ഡ് തങ്ങളുടെ റിപ്പോര്ട്ടില് ഉള്പ്പെടുത്തിയിരുന്നു.
The post ന്യൂനപക്ഷകാര്യ മന്ത്രാലയം ഇല്ലാതാക്കാന് ആലോചിക്കുന്നുഎന്ന മാധ്യമ വാര്ത്തകള് വ്യാജം: കേന്ദ്ര സര്ക്കാര് appeared first on ഇവാർത്ത | Evartha.
from ഇവാർത്ത | Evartha https://ift.tt/m4zFqpH
via IFTTT
0 അഭിപ്രായങ്ങള്