മോദി സര്ക്കാരിന്റെ എട്ട് വര്ഷം ഭാരതമാതാവ് ലജ്ജിച്ച് തലതാഴ്ത്തി നില്ക്കുന്നു എന്ന വിമർശനവുമായി കേന്ദ്രത്തിനെതിരെ ബിജെപി നേതാവ് കൂടിയായ സുബ്രഹ്മണ്യന് സ്വാമി. ബിജെപി വക്താക്കളുടെ നബി വിരുദ്ധ പരാമര്ശം വ്യാപക പ്രതിഷേധത്തിന് ഇടയാക്കിയ സാഹചര്യത്തിലാണ് സോഷ്യൽ മീഡിയയിലൂടെ അദ്ദേഹത്തിന്റെ പ്രതികരണം.
ഏതാനും നാളുകളായി കേന്ദ്രസര്ക്കാരിന്റെ നയങ്ങളെ അദ്ദേഹം ശക്തമായ ഭാഷയില് അദ്ദേഹം വിമര്ശിക്കാറുണ്ട്. പ്രവാചകനുമായി ബന്ധപ്പെട്ട ബിജെപി വക്താക്കളുടെ വിവാദ പ്രസ്താവനയില് കേന്ദ്രസര്ക്കാര് ഖേദം പ്രകടിപ്പിച്ച സാഹചര്യത്തിലാണ് ഇപ്പോള് ട്വീറ്റുമായി അദ്ദേഹം രംഗത്തെത്തിയിരിക്കുന്നത്.
‘കഴിഞ്ഞ എട്ട് വര്ഷത്തെ മോദി ഭരണത്തിനിടെ ഇന്ത്യ ലഡാക്കില് ചൈനയുടെ മുമ്പില് ഇഴഞ്ഞുനീങ്ങി, യുക്രൈന് വിഷയത്തില് റഷ്യയുടെ മുമ്പില് മുട്ടുകുത്തി, ക്വാഡില് അമേരിക്കക്ക് കീഴടങ്ങി, ഇപ്പോഴിതാ ചെറിയ രാജ്യമായ ഖത്തറിനു മുന്നിലും ദണ്ഡനമസ്കാരം നടത്തിയിരിക്കുന്നു.’ സുബ്രഹ്മണ്യന് സ്വാമി ട്വീറ്റില് പറയുന്നു. ഇതന്യയുടെ വിദേശകാര്യനയത്തിന്റെ അപചയമാണ് സംഭവിച്ചിരിക്കുന്നതെന്നും അദ്ദേഹം കുറ്റപ്പെടുത്തുന്നു.
from ഇ വാർത്ത | evartha https://ift.tt/7W9f8Lu
via IFTTT
0 അഭിപ്രായങ്ങള്