സ്വപ്നയും പി സി ജോർജും ചേർന്ന് ഗൂഡാലോചന നടത്തി, കലാപം ഉണ്ടാക്കാൻ ശ്രമിച്ചു എന്ന കെ ടി ജലീലിന്റെ പരാതിയില് കന്റോണ്മെന്റ് പോലീസ് രജിസ്റ്റര് ചെയ്ത കേസില് അറസ്റ്റ് ഒഴിവാക്കാന് സ്വപ്ന സുരേഷ് ഹൈക്കോടതിയില് മുൻകൂർ ജാമ്യാപേക്ഷ നല്കി. തന്നെ ഒതുക്കാനായി പോലീസിനെ ഉപയോഗിച്ച് വേട്ടയാടാന് നീക്കമുണ്ടെന്ന് ഹര്ജിയില് ആരോപിക്കുന്നു.
എത്രയും വേഗം കോടതിയുടെ അടിയന്തര ഇടപെടല് ഉണ്ടാകണം. ഇന്ന് തന്നെ മുന്കൂര് ജാമ്യാപേക്ഷ പരിഗണിക്കണം എന്നും ഹര്ജിയില് ആവശ്യമുന്നയിച്ചിട്ടുണ്ട്. അതേസമയം പുതിയ വെളിപ്പെടുത്തലുകളിൽ കേസ് ഇന്ന് പ്രത്യേക അന്വേഷണ സംഘത്തിന് കൈമാറും. ഒരു എഡിജിപിയുടെ നേതൃത്വത്തിലായിരിക്കും പുതിയ സംഘം.
സംസ്ഥാന സർക്കാരിനെതിരെ കലാപമുണ്ടാക്കാൻ ഗൂഢാലോചന നടത്തിയെന്നടക്കം സ്വപ്നക്കെതിരെ എഫ്ഐആറിൽ പരാമർശമുണ്ട്.അതേ സമയം പാലക്കാട് വിജിലൻസ് പിടിച്ച സരിത്തിന്റെ ഫോൺ ഫോറൻസിക് പരിശോധനക്കയക്കും. സോളാർ കേസ് പ്രതി സരിതയെയും ചോദ്യം ഈ കേസുമായി ബന്ധപ്പെട്ട് ചെയ്യും. സരിതയും ജോർജുമായിട്ടുള്ള ടെലിഫോൺ സംഭാഷണം നേരത്തേ ചില മാധ്യമങ്ങളിലൂടെ പുറത്തുവന്നിരുന്നു.
from ഇ വാർത്ത | evartha https://ift.tt/uj8gqNb
via IFTTT
0 അഭിപ്രായങ്ങള്