ഒരു വ്യക്തിയുടെ ശാരീരികവും മാനസികവുമായ ആരോഗ്യം മെച്ചപ്പെടുത്താൻ സഹായിക്കുന്ന ഒന്നാണ് യോഗ. അസുഖങ്ങളെയും അസുഖ ലക്ഷണങ്ങളെയും നിയന്ത്രിക്കാനും ആരോഗ്യകരമായ ജീവിതം കെട്ടിപ്പടുക്കാനും യോഗ ഒരു ശീലമാക്കാം.
യോഗയുടെ ഗുണങ്ങൾ (Benefits Of Yoga): യോഗയെ പറ്റി പറഞ്ഞ് തുടങ്ങാൻ പ്രത്യേകിച്ച് ആമുഖം ഒന്നും ആവശ്യമില്ല. പല ആരോഗ്യ വിദഗ്ധരും യോഗ ശീലിക്കുന്നതിന്റെ വിവിധ ഗുണങ്ങളെകുറിച്ച് ദീർഘമായി പറയുന്നത് നമ്മൾ കേൾക്കാറുള്ള കാര്യമാണ്. സ്ഥിരമായി യോഗ പരിശീലിക്കുന്നത് വഴി ഗുണങ്ങളെക്കുറിച്ച് പറയാൻ നിരവധിയുണ്ട്. എല്ലാം തികഞ്ഞ ഒരു ശാരീരിക പ്രവർത്തനം എന്നതിലുപരി യോഗ മറ്റുള്ള വ്യായാമ ചര്യകളിൽ നിന്ന് വ്യത്യസ്തമായി നിൽക്കുന്നതാണ്. പ്രമേഹം, മൈഗ്രേൻ, അല്ലെങ്കിൽ പതിവായി മരുന്ന് കഴിക്കേണ്ടി വന്നേക്കാവുന്ന മറ്റ് രോഗാസ്ഥകൾ എന്നിവയെ ഫലപ്രദമായ രീതിയിൽ കൈകാര്യം ചെയ്യുന്നതിന് യോഗ സഹായം ചെയ്യും. രോഗലക്ഷണങ്ങളെ നിയന്ത്രിക്കാനും ആരോഗ്യകരമായ ജീവിതം നയിക്കാനും ഇത് നിങ്ങളെ സഹായിക്കും. യോഗയുടെ നിരവധി ആരോഗ്യ ഗുണങ്ങൾ ലോകമെമ്പാടും ശാസ്ത്രീയമായി പഠിക്കുകയും രേഖപ്പെടുത്തുകയും ചെയ്തിട്ടുള്ളതാണ്. ആരോഗ്യകരമായ ജീവിതം നയിക്കാൻ ശുപാർശ ചെയ്യപ്പെടുന്ന യോഗ ലോകമെമ്പാടും ഒരു അറിയപ്പെടുന്ന ഒന്നായി മാറിയത് ഈ കാരണങ്ങളൊക്കെ കൊണ്ടാണ്:
നിരന്തരമായി യോഗ പരിശീലിക്കുന്നത് ശാരീരിക സമ്മർദ്ദത്തിനും ഉത്കണ്ഠയ്ക്കും കാരണമാവുന്ന കോർട്ടിസോൾ ഹോർമോണുകളിൽ ഗണ്യമായ കുറവുണ്ടാക്കുമെന്ന് നിരവധി പഠനങ്ങൾ തെളിയിച്ചിട്ടുണ്ട്. ഈ ഹോർമോണുകൾ ഉയർന്ന അളവിൽ വിഷാദവുമായി ബന്ധപ്പെട്ടിരിക്കുന്നതാണ്. പ്രത്യേകിച്ചും നഗരത്തിൽ തിരക്കേറിയ ജീവിതം നയിക്കുന്ന എല്ലാവർക്കും ഇതുമായി ബന്ധപ്പെട്ട് ഉണ്ടാവുന്ന സമ്മർദ്ദ സാഹചര്യങ്ങളെ ലഘൂകരിക്കാൻ യോഗ മികച്ചതാണ്. പതിവായി യോഗ പരിശീലിക്കുന്നത് വഴി ജോലി സാഹചര്യങ്ങളിൽ തുടങ്ങി സാമ്പത്തികവും സാമൂഹികവുമായ കാര്യങ്ങൾ വരെ മികച്ച രീതിയിൽ ചെയ്യുന്നതിന് ഇതു വഴിയൊരുക്കും എന്നാണ് പറയുന്നത്. ജീവിതത്തിലെ ദൈനംദിന വെല്ലുവിളികളെ എളുപ്പത്തിൽ നേരിടാൻ യോഗ നിങ്ങളെ സഹായിക്കും.
ഉയർന്ന രക്തസമ്മർദ്ദം എന്നത് ഇന്ന് മിക്കവാറും ആളുകൾ നേരിടുന്ന ഒരു പ്രധാന ആരോഗ്യ പ്രശ്നമാണ്. ചെറുപ്രായത്തിൽ തന്നെ ഈയൊരു പ്രശ്നം നേരിടേണ്ടി വരുന്നവർ നിരവധിയുണ്ട്. യോഗ ചെയ്യുന്ന ആളുകൾ രക്തസമ്മർദ്ദത്തിന്റെ അളവിൽ ഗണ്യമായ കുറവ് കാണിക്കുന്നതായി ദീർഘകാല പഠനങ്ങൾ തെളിയിച്ചിട്ടുണ്ട്. അഞ്ചോ അതിലധികമോ വർഷമായി യോഗ പരിശീലിക്കുന്ന ആളുകളിൽ ഇത് മികച്ച ഫലങ്ങൾ കാണിക്കുന്നുണ്ട്. ഇത് മെച്ചപ്പെട്ട ഹൃദയാരോഗ്യത്തിലേക്ക് നയിക്കുന്നു. നിങ്ങളുടെ ശരീരത്തിന്റെ എല്ലാ ഭാഗങ്ങളിലേക്കും രക്തത്തിന്റെയും ഓക്സിജന്റെയും ഒഴുക്ക് ഉറപ്പാക്കുന്നതിന് യോഗ ഗുണം ചെയ്യും.
യോഗ നമ്മുടെ ശരീരത്തിന് വേഗത്തിൽ വിശ്രമം നൽകാൻ അനുവദിച്ചുകൊണ്ട് ഉറക്കം മെച്ചപ്പെടുത്തുന്നു. നിങ്ങൾ എത്ര നന്നായി ഉറങ്ങുന്നു എന്നത് നിങ്ങളുടെ ആരോഗ്യത്തെ ഏറ്റവുമധികം ബാധിക്കുന്ന കാര്യമാണ്. നല്ല ഭക്ഷണവും വ്യായാമവും ശരീരത്തിന് നൽകേണ്ടത് പോലെ തന്നെ നമ്മുടെ ശാരീരികവും മാനസികവുമായ ക്ഷേമത്തിന് ആഴത്തിലുള്ള ഉറക്കം ലഭിക്കേണ്ടതും അത്യാവശ്യമാണ്. ഇത് നിങ്ങളുടെ ശരീരത്തിന് ആവശ്യമായ ഊർജം വീണ്ടെടുക്കുകയും ചെയ്യുന്നു. സ്ഥിരമായി യോഗ ചെയ്യുന്ന ആളുകൾക്ക് മറ്റുള്ളവരെക്കാൾ നന്നായി ഉറക്കം ലഭിക്കാൻ കഴിയുമെന്ന് എണ്ണമറ്റ പഠനങ്ങൾ തെളിയിച്ചിട്ടുണ്ട്.
അടുത്തിടെ മദ്യപാനമോ പുകവലിയോ ഉപേക്ഷിച്ച ആളുകൾക്ക് യോഗ പിന്തുടരുന്നത് വളരെ സഹായകമാണെന്ന് തെളിയിച്ചിട്ടുണ്ട്. ദുശീലങ്ങൾ ഉപേക്ഷിക്കാൻ ശ്രമിക്കുന്ന ആളുകൾക്ക് പറയാൻ യോഗ ഏറ്റവും ഗുണം ചെയ്യും. ആദ്യത്തെ കുറച്ച് ദിവസങ്ങളും ആഴ്ചകളുമാണ് അഡിക്ഷനിൽ നിന്നും രക്ഷ നേടാൻ ഏറ്റവും ബുദ്ധിമുട്ടുള്ളത്. പതിവായി യോഗ ചെയ്യുന്നത് അഡിക്ഷൻറെ പ്രേരണകളെ ഒഴിവാക്കാനും നല്ലതിനു വേണ്ടി ഉപേക്ഷിക്കാനുള്ള ഇച്ഛാശക്തി വികസിപ്പിക്കാനും സഹായിക്കും. ദീർഘകാലാടിസ്ഥാനത്തിൽ, നിക്കോട്ടിൻ അല്ലെങ്കിൽ അമിതമായ മദ്യത്തിന്റെ പ്രതികൂല ഫലങ്ങളിൽ നിന്ന് നിങ്ങളുടെ ശരീരത്തെ വീണ്ടെടുക്കാൻ യോഗ സഹായിക്കും.
ഉറപ്പായും ആരും പ്രതീക്ഷിക്കാത്ത ഒരു കാര്യമായിരിക്കും യോഗ ചെയ്യുന്നത് വഴി ദന്താരോഗ്യം മെച്ചപ്പെടും എന്നത്. എന്നാൽ യോഗ പരിശീലിക്കുന്നതും ദന്താരോഗ്യവും തമ്മിൽ ഏറ്റവും അടുത്ത ബന്ധമുണ്ടെന്ന് എണ്ണമറ്റ പഠനങ്ങൾ അവൾ കണ്ടെത്തിയിട്ടുണ്ട്. നിരവധി പഠനങ്ങൾ പറയുന്നതനുസരിച്ച് യോഗ സ്ഥിരമായി ചെയ്യുന്ന ആളുകൾക്ക് പല്ല്, മോണ പ്രശ്നങ്ങൾ മറ്റ് സമാനമായ രോഗങ്ങൾ എന്നിവ വളരെ കുറവായിരിക്കും. കാരണം, നിങ്ങളുടെ വായുടെ ആരോഗ്യത്തെ ബാധിക്കുന്ന മറ്റ് ഘടകങ്ങളെ നിയന്ത്രിക്കാൻ യോഗ സഹായിക്കുന്നു.
ഒട്ടുമിക്ക ആളുകളും നിസ്സാരമായി കാണുന്ന കാര്യമാണ് ഭക്ഷണം. നല്ല ഭക്ഷണ ശീലത്തിൽ ശ്രദ്ധ കേന്ദ്രീകരിക്കാനും ശ്രദ്ധിക്കാനും യോഗ നിങ്ങളെ സഹായിക്കുന്നു. ഇത് നിരവധി വ്യത്യസ്ത ഗുണങ്ങളെ ശരീരത്തിന് നൽകും. ഇതിൽ നിന്നും ലഭിക്കുന്ന ഏറ്റവും പ്രധാനപ്പെട്ട കാര്യം ഇത് നിങ്ങൾ കഴിക്കുന്ന കാര്യങ്ങളിൽ കൂടുതൽ ശ്രദ്ധ കേന്ദ്രീകരിക്കാനും ശരീരത്തിലെ വിശപ്പിനെ കൃത്യമായി തിരിച്ചറിയാനും സഹായിക്കുന്നു എന്നതാണ്. അമിതമായി ഭക്ഷണം കഴിക്കുന്നത് ഒഴിവാക്കാൻ യോഗ സഹായിക്കുമെന്ന് നിരവധി പഠനങ്ങൾ തെളിയിച്ചിട്ടുണ്ട്.
മൈഗ്രേൻ അടക്കമുള്ള നിരവധി പ്രശ്നങ്ങൾ ഒഴിവാക്കാനും ശരീരത്തിന് ആശ്വാസ ഗുണങ്ങൾ പകരാനും വീക്കം കുറയ്ക്കാനും യോഗ സഹായം ചെയ്യുന്നു. യോഗയുമായി ബന്ധപ്പെട്ട ചെയ്യുന്ന ശാരീരിക പ്രവർത്തനങ്ങൾ ശാരീരികബലം, വഴക്കം, ആരോഗ്യകരമായ ശരീരഘടന എന്നിവ പ്രോത്സാഹിപ്പിക്കുന്നതിനും വഴിയൊരുക്കും. ആരോഗ്യകരമായ ജീവിതശൈലി നയിക്കാൻ നിങ്ങൾ ആഗ്രഹിക്കുന്നുവെങ്കിൽ ഇനിമുതൽ യോഗ പരിശീലനങ്ങളിൽ ഏർപ്പെടാൻ തുടങ്ങാം. തുടക്കക്കാർക്കായി എളുപ്പത്തിൽ ചെയ്യാൻ കഴിയുന്ന നിരവധി യോഗാസനങ്ങൾ ഉണ്ട്.
0 അഭിപ്രായങ്ങള്